Ásla ímóti Jóhannu í svensku steypafinaluni

Ásla ímóti Jóhannu í svensku steypafinaluni
Ásla Johannesen og Jóhanna Fossdalsá Sørensen bresta saman í svensku steypafinaluni mikudagin
Ásla Johannesen er liðskipari á føroyska landsliðnum og hevur spælt uttanlands í fleiri ár
Mynd: savnsmynd  
 
30.04.2024 - 15:34

Tveir føroyingar vera við, tá ið Piteå og BK Häcken bresta saman í svensku steypafinaluni í fótbólti mikudagin.

Ásla Johannesen skal umboða Piteå, sum er í síni fyrstu steypafinalu, meðan Jóhanna Fossdalsá Sørensen stillar upp fyri sigursvanda Häcken.

 - Hetta verður avgjørt eitt hæddarpunkt fyri meg í Svøríki - óansæð úrslitið: At vera við til at skriva søgu fyri felagið er stórt fyri meg, sigur Ásla Johannesen, sum hevur spælt í Piteå síðan síðsta summar, við portal.fo.

BK Häcken og Piteå spældu ímóti hvørjum øðrum um vikuskiftið. Jóhanna Fossdalsá Sørensen skeyt sítt fyrsta mál í Damallsvenskuni við brotssparki í dystinum, sum BK Häcken vann 3-1.

 


18 ára gamla Jóhanna Fossdalsá Sørensen hevur spælt mestsum fast fyri BK Häcken í 2024.
Er kopiera
Nýggjastu sendingar í ÚV
Nýggjastu sendingar í SV
Týsdag 18. juni
Veðrið
176960
Mánadag 17. juni
3-2 (18. juni 2024)
176895