Vinus og Vimús fara út at eta inni

Viðhvørt kann tað vera hugnaligt at fara út at eta, hóast tú bara fert inn í eitt annað hús at eta. Vinus og Vimús fara eisini út at eta upp á ein sera snildan hátt. Tað er stuttligt og snilt at hava matpakka ella kurv við. Og so .... ja, so ber til at spæla, sum um farið verður út at eta, - inni!
Bókin, sum knappliga dettur úr hillini, er um at eta ertrar.

Og so tá Vimús fer ørindi, kemur Vinurin á vitjan, og tá fara Vinus og Vinurin at syngja og spæla ein góðan sang. Hesa ferð er sangurin um ein høsnarunga og ein annan unga.

At spæla við høsnarringar er eitt stuttligt spæl. Teir eru í nógvum litum. Og øll kunnu spæla við. Eisini bamsur.
Smáteknifilmarnir, ja, teir eru aftur at síggja hesa ferð.
Tíbetur er altíð nógv at tekna hjá Vinusi, og Vimús sigur, hvat hann skal tekna.

Og so: Góðan morgun dag gott kvøld góða nátt – og farvæl!

Hvat: Vinus & Vimús
Hvar: í sjónvarpinum og á VIT-appini og kvf.fo/vit
Nær: Í sjónvarpinum í dag kl. 18.30, og longu nú á VIT-appini og kvf.fo/vit
Evni: Út at eta - inni.

* At brúka til etispælið Kurv. Spælimat.
* At brúka høsnarringaspælið: Høsnarringar.