Mira er danmarkarmeistari

Eftir finaluna í dag er greitt, at føroyska liðið hjá Havnar Fimleikafelag vann og er harvið danskur meistari. 

Team Mira lá fremst aftan á undankappingina í gjár, og tí var sera stórur spenningur til finaluna í bólkinum børn 12-14 í dag, sum tað eydnaðist at vinna.

Team Mira hjá Havnar Fimleikafelag vann DM við 32,635 stigum.

Á øðrum plássi var Team Viviant hjá Greve Gymnastik og Trampolin við 32,465 stigum, meðan Team Merida hjá Espergærde IF endaði á triðja plássi við 31,565 stigum.

Mynd: Havnar Fimleikafelag