Vit fáa somu nøgd í norskum sjógvi næsta ár

08.12.2021 - 10:06
AktueltPolitikkur
Vit fáa somu nøgd í norskum sjógvi næsta ár
Føroyar og Noreg hava gjørt nýggjan fiskirættindasáttmála
Samráðingarnar um fiskirættindi í norskum sjógvi vóru í Havn, og í gjár var skrivað undir nýggja sáttmálan.
Mynd: Fiskimálaráðið  
 

Føroyski fiskiskapurin í norskum sjógvi verður tann sami í 2022 sum í ár, skrivar Fiskimálaráðið á heimasíðuni.

Tað er greitt eftir samráðingarnar millum partarnar, sum vóru í Havn í gjár.

Kvotan verður tann sama, hóast toska- og hýsukvotan í norskum sjógvi lækkar munandi næsta ár.

Føroysku kvoturnar av botnfiski í norskum sjógvi í 2022 verða 4.945 tons av toski, 1.100 tons av hýsu, 500 tons av upsa og 400 tons av øðrum fiskasløgum, sum er tað sama sum í ár.

Kvotur tillagaðar

Norsku kvoturnar í føroyskum sjógvi í 2022 verða tillagaðar nakað.

Kvotan av longu og blálongu verður 3.000 tons, 500 tons meira enn í ár. Hinvegin lækkar kvotan av brosmu 500 tons, og verður 1.500 tons. Kvotan av øðrum fiskasløgum verður óbroytt, 800 tons.

Makrelkvotan, sum Noreg fær frá Føroyum, verður eisini óbroytt, 6.600 tons.

Umframt kvotabýtið fáa føroysk skip atgongd at fiska 3.790 tons av toski og 200 tons av hýsu, sum eru fingin til vega í sínámillum avtaluni millum Føroyar og Russland, í norskum sjógvi.

Hetta eru 360 tons minni enn í ár. Norska atgongdin at fiska svartkjaft í føroyskum sjógvi lækkar 2.880 tons, og hon verður 31.920 tons í 2022.


 

Er kopiera
Nýggjastu sendingar í ÚV
Leygardag 22. januar
Jambalaja 220122
134439
Leygardag 22. januar
Marianna Debes Dahl er gestur í Brunsj
134438
Leygardag 22. januar
Morgunlestur leygardagur 22.januar 2022
133934
Fríggjadag 21. januar
Nón 21. februar
134420
Nýggjastu sendingar í SV
Fríggjadag 21. januar
Lyst 47
134249
Hósdag 20. januar
Koks
134369
Mikudag 19. januar
Mentanarvirðisløn Landsins 2021
134328
Mikudag 19. januar
25 minuttir: Olaf Johannessen
134326
Týsdag 18. januar
Vísindavøka: Amanda Vang, Fiskaaling
130883