Trine Bramsen kemur heldur ikki á hesum sinni

08.12.2021 - 14:40
AktueltPolitikkur
Trine Bramsen kemur heldur ikki á hesum sinni
Hetta er fjórðu ferð í ár, at danski verjumálaráðharrin útsetir vitjan í Føroyum. Hon er farin í sóttarhald
Trine Bramsen, verjumálaráðharri, hevur aftur avlýst vitjan í Føroyum.
 

Trine Bramsen, verjumálaráðharri, kemur heldur ikki til Føroya á hesum sinni.

Ætlanin var, at hon skuldi koma til Føroya í morgin at viðgera radaran á Sornfelli og trygdarpolitikk annars.

Trine Bramsen hevur verið í sambandi við ein, sum er smittaður við omikron-frábrigdinum, og er tí farin í sóttarhald. Hon er ikki smittað sjálv, men umstøðurnar gera, at hon vil ikki taka nøkur óráð fyri, og kemur tí ikki til Føroya.

Hetta fjórða ferðin til Føroya í ár, sum nú verður av ongum hjá Trine Bramsen.

Skuldi koma í januar

Fyrstu ferð hon skuldi koma var í januar, men tá gjørdi koronustøðan og sóttarhaldsreglurnar, at ferðin var av ongum.

Síðani skuldi hon koma í juni, men flogflarið hjá donsku verjuni fekk ikki sett seg í Vágum fyri veður.

Síðani var ferðin útsett til síðst í august, men tá gjørdi støðan í Afganistan og afturtøkan av hermonnunum hjá NATO-londunum, at verjumálaráðharrin kundi ikki koma til Føroya.

Og nú er verjumálaráðharrin so farin í sóttarhald.

Við Kringvarpið sigur Trine Bramsen, at hon vónar at koma til Føroya í januar í staðin.

Uttanlandsnevndin hjá løgtinginum skal annars á fund í morgin, har Jenis av Rana, landstýrismaður í uttanríkismál, skal ráðføra um ætlaða radaran á Sornfelli. 
 

Er kopiera
Nýggjastu sendingar í ÚV
Leygardag 22. januar
Jambalaja 220122
134439
Leygardag 22. januar
Morgunlestur leygardagur 22.januar 2022
133934
Fríggjadag 21. januar
Nón 21. februar
134420
Fríggjadag 21. januar
Góðan morgun Føroyar 21.01.2022
134393
Nýggjastu sendingar í SV
Fríggjadag 21. januar
Lyst 47
134249
Hósdag 20. januar
Koks
134369
Mikudag 19. januar
Mentanarvirðisløn Landsins 2021
134328
Mikudag 19. januar
25 minuttir: Olaf Johannessen
134326
Týsdag 18. januar
Vísindavøka: Amanda Vang, Fiskaaling
130883