Suðuroyartunnil: Fimm váðar fáast av vegnum fyrst

08.12.2021 - 09:10
AktueltPolitikkur
Suðuroyartunnil: Fimm váðar fáast av vegnum fyrst
Tað er bíligast at gera tunnilin millum Skarvanes og Sandvík, sigur p.f. Eystur- og Sandoyartunnil í framløgu, sum er latin Fíggjarnevndini
Raksturin hjá Smyrli, sum er í fíggjarlógini, skal brúkast til at gjalda skuld í Suðuroyartunlinum, sigur p.f. Eystur- og Sandoyartunnil.
 

Fimm váðar mugu fáast av vegnum fyrst, áðrenn farast kann undir at gera Suðuroyartunnilin.

Bara ein váði er higartil fingin av vegnum. Hann er, at Eysturoyartunnilin er liðugur.

Hinir eru, um inntøkumetingarnar í Eysturoyartunlinum eru rættar, Sandoyartunnilin skal vera liðugur, jarðfrøðiligar kanningar skulu gerast, og metingar og tilmæli um tunnilstrygd skulu eisini gerast um Suðuroyartunnil.

Tað sigur partafelagið Eystur- og Sandoyartunnil, sum hevur latið Fíggjarnevndini eina framløgu um Suðuroyartunnilin.

Millum Skarvanes og Sandvík

Sambært framløguni er bíligast at gera tunnilin millum Skarvanes og Sandvík.

Hann kostaði tríggjar 3,2 milliardir í 2019. Tá er nýtt Sandvíkarberghol talt við. 

Tann Suðuroyartunnilin verður 22,2 km. Metti kostnaðurin fram til prosjektering er 14 mió. kr.

Í framløguni verður sagt, at tær 800 milliónirnar, sum nýggjur Smyril kostar, skulu setast sum partapeningur í Suðuroyartunnilin. 

Tað tekur 18 til 20 ár at gjalda Suðuroyartunnilin.

Stórur partur av fíggingini kann koma frá verandi Suðuroyarleið.

Raksturin hjá Smyrli skal fíggja

Raksturin hjá Smyrli, sum er í fíggjarlógini, skal brúkast til at gjalda skuld í Suðuroyartunlinum.

Felagið tekur lán við inntøkutrygd eins og partafelagið Eystur- og Sandoyartunnilin gjørdi.

Fígging verður umvegis landskassan. 

Suðuroyartunnilin verður ikki ein eyka útreiðsla fyri landskassan, stendur í framløguni hjá partafelagnum Eystur- og Sandoyartunli.

Er kopiera
Nýggjastu sendingar í ÚV
Leygardag 22. januar
Jambalaja 220122
134439
Leygardag 22. januar
Morgunlestur leygardagur 22.januar 2022
133934
Fríggjadag 21. januar
Nón 21. februar
134420
Fríggjadag 21. januar
Góðan morgun Føroyar 21.01.2022
134393
Nýggjastu sendingar í SV
Fríggjadag 21. januar
Lyst 47
134249
Hósdag 20. januar
Koks
134369
Mikudag 19. januar
Mentanarvirðisløn Landsins 2021
134328
Mikudag 19. januar
25 minuttir: Olaf Johannessen
134326
Týsdag 18. januar
Vísindavøka: Amanda Vang, Fiskaaling
130883