Samgongan mælir frá at samtykkja uppskot um sammøður

08.12.2021 - 11:13
AktueltPolitikkur
Samgongan mælir frá at samtykkja uppskot um sammøður
Málið kemur til aðru viðgerð mánadagin
Tingið fer at atkvøða í málunum um sammøður mánadagin.
 

Samgongan mælir løgtinginum frá at samtykkja tey trý uppskotini um sammóður.

Tað er greitt, nú Trivnaðarnevndin hjá løgtinginum er liðug at skriva álit.

Í sínum meirilutaáliti skriva samgonguumboðini í Trivnaðarnevndini soleiðis:

"Í samgonguskjalinum hjá sitandi samgongu er ásett, at í politiska arbeiðinum verða lógarbroytingar bert gjørdar, um semja er millum samgonguflokkarnar. Samgongan hevur onga semju um, at hetta uppskotið skal samtykkjast, og tí tekur meirilutin ikki undir við uppskotinum og mælir Løgtinginum frá at samtykkja tað."

Uni Rasmussen, Annika Olsen, Edva Jacobsen og Rósa Samuelsen hava skrivað undir meirilutaálitið.

Vil hava løgmann at loysa málið

Annika Olsen, sum hevur verið ivasom, hevur harumframt sínar egnu viðmerkingar til meirilutaálitið. Løgtingskvinnan heitir á løgmann um at loysa málið og gera tær neyðugu lógarbroytingarnar sum skjótast.

- Tað er ein óskikkur at fasthalda tingfólk í eini støðu, har tey skulu velja ímillum at fara ímóti síni sannføring ella at spreingja eina samgongu, skrivar Annika Olsen millum annað.

Minnilutin í Trivnaðarnevndini - andstøðuumboðini - mæla løgtinginum til at samtykkja málið.

Málið um sammóður kemur til 2. viðgerð í løgtinginum mánadagin klokkan 13. 

Annika Olsen er í meirilutanum í Trivnaðarnevndini, sum mælir frá at samtykkja uppskotið um sammøður, men hon vil hava løgmann at loysa málið sum skjótast. 

Er kopiera
Nýggjastu sendingar í ÚV
Leygardag 22. januar
Jambalaja 220122
134439
Leygardag 22. januar
Marianna Debes Dahl er gestur í Brunsj
134438
Leygardag 22. januar
Morgunlestur leygardagur 22.januar 2022
133934
Fríggjadag 21. januar
Nón 21. februar
134420
Nýggjastu sendingar í SV
Fríggjadag 21. januar
Lyst 47
134249
Hósdag 20. januar
Koks
134369
Mikudag 19. januar
Mentanarvirðisløn Landsins 2021
134328
Mikudag 19. januar
25 minuttir: Olaf Johannessen
134326
Týsdag 18. januar
Vísindavøka: Amanda Vang, Fiskaaling
130883