Fastogn: Krevja tilknýti til Føroya fyri at kunna keypa

08.12.2021 - 08:33
AktueltPolitikkur
Fastogn: Krevja tilknýti til Føroya fyri at kunna keypa
Løgtingið hevur avgreitt uppskotið frá landsstýrinum, hvør kann keypa fastogn í Føroyum
Treytin hjá útlendingum at keypa fastogn í Føroyum er, at viðkomandi hevur fastan bústað í Føroyum, ella at viðkomandi áður hevur búð í Føroyum í tilsamans fimm ár.
Mynd: Savnsmynd: Bjarni Árting Rubeksen  
 

Nú kunnu útlendingar uttan tilknýti til Føroyar ikki longur keypa fastogn í Føroyum uttan loyvi frá landsstýrinum.

Tað avgjørdi løgtingið við 3. viðgerð í gjár.

Treytirnar fyri, at útlendingar kunnu keypa fastogn í Føroyum uttan loyvi, eru, at viðkomandi hevur fastan bústað í Føroyum, ella at viðkomandi áður hevur búð í Føroyum í tilsamans fimm ár, ella at viðkomandi hevur búð í øðrum parti av ríkinum í tilsamans fimm ár og hevur danskan rískisborgaraskap.

Royndu seg við broytingaruppskoti

Orðaskiftið var hvast millum andstøðu og samgongu, áðrenn málið kom til atkvøðugreiðslu.

Andstøðan royndi eisini bæði at fáa málið aftur í nevnd og at leggja fram broytingaruppskot, sum bar í sær, at bara føroyingar, og ikki fólk í øðrum parti av ríkinum, kunnu keypa fastogn uttan loyvi.

Bæði andstøðuuppskotini fullu, og málið var samtykt við 15 atkvøðum fyri og 12 ímóti.
 

Er kopiera
Nýggjastu sendingar í ÚV
Leygardag 22. januar
Jambalaja 220122
134439
Leygardag 22. januar
Marianna Debes Dahl er gestur í Brunsj
134438
Leygardag 22. januar
Morgunlestur leygardagur 22.januar 2022
133934
Fríggjadag 21. januar
Nón 21. februar
134420
Nýggjastu sendingar í SV
Fríggjadag 21. januar
Lyst 47
134249
Hósdag 20. januar
Koks
134369
Mikudag 19. januar
Mentanarvirðisløn Landsins 2021
134328
Mikudag 19. januar
25 minuttir: Olaf Johannessen
134326
Týsdag 18. januar
Vísindavøka: Amanda Vang, Fiskaaling
130883