Eingi prógv fyri, at koronupassið virkar

08.12.2021 - 08:44
AktueltHeilsa
Eingi prógv fyri, at koronupassið virkar
Tekin eru um, at koppsett fólk, sum fáa koronu, smitta minni enn tey, sum ikki eru koppsett, sigur løgmaður í svari til Honnu Jensen
Eingin lóg áleggur privatum fyritøkum og privatum feløgum at krevja koronupass ella verndarbúna frá teimum, sum koma á gátt hjá teimum, sigur løgmaður í svarinum
 

Eingi vísindalig prógv eru funnin fyri, at koronupassið virkar.

Koronupassið gevur ikki 100 prosent tryggleika fyri, at fólk ikki eru smittað.

Men tekin eru um, at koppsett fólk, sum fáa koronu, smitta minni enn tey, sum ikki eru koppsett.

Hetta hevur Løgmansskrivstovan fingið at vita frá landslæknanum, nú løgmaður skuldi svara spurningum frá Honnu Jensen, løgtingskvinnu, um koronupassið.

Kunnu ikki áleggja koronupass

Løgmaður svarar millum annað, at eingin lóg áleggur privatum fyritøkum og privatum feløgum at krevja koronupass ella verndarbúna frá teimum, sum koma á gátt hjá teimum.

Men, sigur hann, Farsóttarnevndin hevur lógarheimild at steingja fyritøkur, um illa vil til, sum sagt verður í svarinum. Tað almenna kann krevja, at tey, sum koma á gátt, skulu hava koronupass og verndarbúna.  

Um kommunurnar verður sagt, at landsstýrið ella borgarstjórin kunnu geva tænastuboð um ávís tiltøk at basa smittu.

Og eingin lóg krevur, at fólk skulu geva upplýsingar um koppseting ella kanningarúrslit.  

Er kopiera
Nýggjastu sendingar í ÚV
Leygardag 22. januar
Jambalaja 220122
134439
Leygardag 22. januar
Marianna Debes Dahl er gestur í Brunsj
134438
Leygardag 22. januar
Morgunlestur leygardagur 22.januar 2022
133934
Fríggjadag 21. januar
Nón 21. februar
134420
Nýggjastu sendingar í SV
Fríggjadag 21. januar
Lyst 47
134249
Hósdag 20. januar
Koks
134369
Mikudag 19. januar
Mentanarvirðisløn Landsins 2021
134328
Mikudag 19. januar
25 minuttir: Olaf Johannessen
134326
Týsdag 18. januar
Vísindavøka: Amanda Vang, Fiskaaling
130883