23 starvsfólk á LS hava koronusmittu

08.12.2021 - 13:00
AktueltHeilsa
23 starvsfólk á LS hava koronusmittu
Omikron-frábrigdið er eisini staðfest millum starvsfólkini. Støðan ger, at skurðviðgerðir á Landssjúkrahúsinum verða útsettar
At so nógv starvsfólk eru smittað, ger, at allar skurðviðgerðir á Landssjúkrahúsinum, sum ikki eru átrokandi, verða útsettar.
 

23 starvsfólk á skurðdeildunum á Landssjúkrahúsinum eru nú smittað av koronu. Tað er eisini millum hesi starvsfólkini, at nýggja frábrigdið av koronu, omikron, er staðfest.

Tað váttar Fróði Jacobsen, samskiftisráðgevi í Sjúkrahúsverkinum.

Sjúklingarnir á deildunum eru eisini kannaðir, og klokkan 11 fyrrapartin var koronasmitta ikki staðfest millum sjúklingarnar.

At so nógv starvsfólk eru smittað, ger, at allar skurðviðgerðir á Landssjúkrahúsinum, sum ikki eru átrokandi, verða útsettar.

Broyta innanhýsis mannagongdir

Leiðslan í Sjúkrahúsverkinum sigur seg í løtuni ikki hava stundir at gera samrøðu við útvarpið um støðuna. Tey siga seg heldur vilja nýta tíðina til millum annað at broyta innanhýsis mannagongdir á Landssjúkrahúsinum at forða fyri, at smittan breiðir seg. Smittuverjueindin er við í arbeiðinum.

Í gjár segði Margit Stórá, varastjóri í sjúkrahúsverkinum, við útvarpið, at 16 starvsfólk vóru smittað. Fyrrapartin var talið komið upp á 23 av 46. Tað kann vera at talið veksur, tí allar kanningarnar vóru ikki greinaðar. 

Margit Stórá segði eisini í gjár, at tey hava onga ábending um, hvaðani smittan stavar.

Er kopiera
Nýggjastu sendingar í ÚV
Leygardag 22. januar
Jambalaja 220122
134439
Leygardag 22. januar
Marianna Debes Dahl er gestur í Brunsj
134438
Leygardag 22. januar
Morgunlestur leygardagur 22.januar 2022
133934
Fríggjadag 21. januar
Nón 21. februar
134420
Nýggjastu sendingar í SV
Fríggjadag 21. januar
Lyst 47
134249
Hósdag 20. januar
Koks
134369
Mikudag 19. januar
Mentanarvirðisløn Landsins 2021
134328
Mikudag 19. januar
25 minuttir: Olaf Johannessen
134326
Týsdag 18. januar
Vísindavøka: Amanda Vang, Fiskaaling
130883