FM í svimjing í sjónvarpinum

FM í svimjing í sjónvarpinum
Sjónvarpið sendir beinleiðis úr svimjihøllini í Havn í dag og í morgin
 
12.11.2021 - 10:59

Um vikuskiftið verður skipað fyri føroyameistara- og junior-meistarakapping í svimjing. 

Kappingin er í Gundadalshøllini í Havn, og hon byrjar í dag.

Koronutilmælið um, at í mesta 50 fólk kunnu savnast, ger, at eingir áskoðarar sleppa til kappingarnar.

FM-finalurnar verða avgreiddar sum vant, men við minst møguligari manning. 

Hetta merkir millum annað, at bara svimjarar, sum hava svomið seg í finaluna, sleppa til finalupartin.

Svimjifeløgini sleppa at hava eitt fólk í part í høllini til sínar svimjarar. 

Øll onnur mugu vera góðkendur partur av dómara- og hjálparfólkahópinum hjá Svimjisambandinum fyri at kunna vera í høllini.

Dómaraborðið verður við avskerming og frástøðu frá hinum í høllinum, og stroymitoymið og kringvarpsmanningin hava egna inngongd. 

Kringvarpið sendir beinleiðis frá FM í svimjing í dag og í morgin, báðar dagar frá kl. 17 til 19.

Í útvarpstíðindunum á middegi verður samrøða við Rók í Jákupsstovu, formann í Svimjisambandinum. 
 

Er kopiera
Nýggjastu sendingar í ÚV
Fríggjadag 13. november
Vikuskiftið 13 nov 2026
216396
Fríggjadag 13. november
LEITISSTEIN 13.11.2026 (Anna Katrin Egilstrøð)
216384
Fríggjadag 13. november
Tekstur til tónleik: Vald
216134
Fríggjadag 13. november
Breddin: Miðlastuðul og vitlíki í bókmentum
216363
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Fríggjadag 13. november
Veðrið
216392
Fríggjadag 13. november
Dagur og vika - teknmálstulkað
216364
Hósdag 12. november
Veðrið
216328