Møti og jarðarferð á netinum

Trúboðin fer nú at stroyma møti á síni heimasíðu.

Í Tabor á Toftum hava tey góðar royndir við at senda síni møti beinleiðis á netinum, og tí hevur Trúboðin gjørt avtalu við Tabor, sum hevur við sær, at møtini úr Tabor síggjast og hoyrast á trubodin.fo. 

Lurta eftir jarðarferð

Tilmælini um at avmarka, hvussu nógv fólk kunnu savnast, hevur eisini við sær, at til dømis jarðarferðir verða raktar.

Tað hava tey tikið til eftirtektar í Christianskirkjuni í Klaksvík, har tey stroyma beinleiðis frá jarðarferð klokkan 13 í dag.

Tað ber til hjá fólki at lurta eftir jarðarferðini beinleiðis, boðar Christianskirkjan frá. Leinkið til hesa tænastu finst her.