Børn og luftdálking

Børnini búgva í økjum, har luftdálkingin er í minsta lagi seks ferðir hægri, enn altjóða markið er.

Tað er ST-barnagrunnurin Unicef, sum nevnir børn, sum eru yngri enn eitt ár. Meira enn tríggir fjórðingar av teimum, sum anda eitraða luft í seg, búgva í SuðurAsia.

Stjórin fyri Unicef, Anthony Lake, skrivar í tíðindaskrivi, at dálkaða luftin ger ikki bara skaða á lungu, men kann elva til varandi skaðar á heilan og sostatt á framtíðarútlitini hjá teimum.

Smá børn eru serliga viðbrekin, tí smærri nøgdir av eitraðum kemikalium skulu til fyri at at ávirka heilan hjá einum barni.

Børnini eru viðbreknari, tí tey anda skjótari, og immunverjan er ikki liðugt útviklað.

Luftdálkingin kann skaða øki í heilanum, sum hava alstóran týdning fyri menning og innlæring hjá barninum, og hetta kann føra til demens-sjúkur, skrivar Unicef.