1552 flóttafólk bjargað í Miðjarðarhavinum

Flóttafólkini, ið vórðu tikin upp í Miðjarðarhavinum í gjár, flýddu úr Libya til Evropa. Í síðstu viku druknaðu hundraðtals flóttafólk

Hundraðtals flóttafólk eru bjargað, eftir at tey royndu at flýggja úr Libya til Evropa. Óttast verður, at 200 eru druknað. Myndin er frá síðstu viku, tá hundraðtals flóttafólk druknaðu í Miðjarðarhavinum

Mynd: AP

Johnsigurd Johannesen

Bjarni Mohr

11.08.2015 - 12:01

1552 flóttafólk vórðu tikin upp úr bátum í Miðjarðarhavinum í gjár. Tey flýddu úr Libya til Evropa, upplýsir italska sjóverjan, sambært týsku tíðindastovuna, DPA.

Flóttafólkini vóru í trimum bátum, sum vóru at meta sum dangur, og fýra gummibátum. Flóttafólkini sendu út neyðarkall.

Í síðstu viku holvdist ein bátur við 600 flóttafólkum út fyri libysku strondini. 200 fólk eru ikki komin afturíaftur.

Greinin heldur fram niðanfyri

Gripping #gopro footage of yesterday's rescue operation after the tragic #Mediterranean shipwreck pic.twitter.com/Kk2f2o6Wax
— Doctors w/o Borders (@MSF_USA) August 6, 2015

Tað, sum er farið av hesum árinum, eru 2.000 flóttafólk druknað í Miðjarðarhavinum. Síðani í januar eru umleið 188.000 fólk bjargað á havinum í royndini at sleppa til Evropa.

Tey flestu flóttafólkini koma úr Afrika og Miðeystri um Libya. Italia og Grikkaland hava tikið ímóti flestu flóttafólkunum.