- Tíðindi, mentan og ítróttur
Noreg sendir bjargingarfólk
Noreg sendir bjargingarfólk
34 norsk bjargingarfólk og seks hundar eru ávegis til Kathmandu í Nepal í einum Norwegian flogfari. Flogfarið lendir væntandi í Nepal í kvøld
Noreg sendir nú 34 bjargingarfólk og seks hundar at hjálpa til í bjargingararbeiðinum í Nepal. Sviar senda eisini fólk
Mynd: AP
27.04.2015 - 10:23
Samstundis bíða 29 finsk bjargingarfólk eftir at sleppa avstað. Tey skuldu eftir ætlan flúgva úr Kastrup í morgun, men flogfarið er seinkað. Eisini svensk bjargingarfólk bíða eftir at sleppa avstað.
Samstundis sigur nýggjasta uppgerðin, at 3200 fólk hava latið lív og fleiri túsund fólk eru løstað av jarðskjálvtanum leygardagin, ið vísti 7,8 á sonevnda richterstiganum.
Fleiri av sjúkrahúsunum í býnum er løgd í oyði. Tey, ið framvegis eru virkin, eru á tremur, og tí liggja fleiri sjúk og løstað á gøtunum.
Er kopiera
Nýggjastu sendingar í ÚV
Nýggjastu sendingar í SV
